MEDIDAS EXCEPCIONAIS PLANIFICADAS.-
Ante a incerta e imprevisible evolución da alerta sanitaria provocada polo COVID-19, a Universidade de Vigo establece unha planificación extraordinaria que se activará no momento en que as administracións e a propia institución determíneno atendendo a criterios de seguridade, saúde e responsabilidade, e garantindo a docencia nun escenario non presencial ou parcialmente presencial. Estas medidas xa planificadas garanten, no momento que sexa preceptivo, o desenvolvemento da docencia dun modo máis áxil e eficaz ao ser coñecido de antemán (ou cunha ampla antelación) polo alumnado e o profesorado a través da ferramenta normalizada e institucionalizada das guías docentes.
ADAPTACIÓN DAS METODOLOXÍAS.-
Como metodoloxía docente seguirase utilizando o estudo ou método do caso, aínda que a súa aplicación farase efectiva a través das aulas virtuais da Universidade co reforzo ou apoio complementario da súa plataforma de teledocencia.
A atención personalizada ao alumnado concretarase en titorías que se desenvolverán, preferentemente, a través dos despachos virtuais asignados ao profesorado responsable da materia, baixo a modalidade de concertación previa.
Non se prevén modificacións substanciais dos contidos a impartir.
É aconsellable que, a comezos do cuadrimestre académico no que se imparte a materia, o alumnado provéase de, polo menos, un dos libros que figuran recomendados na bibliográfica básica desta guía, ante a eventualidade de que se produza unha suspensión da docencia presencial.
ADAPTACIÓN DA AVALIACIÓN.-
- Alumnado acollido ao sistema de avaliación continua.-
A avaliación continua manterase substituíndo as probas presenciais por probas telemáticas a través da plataforma de teledocencia da Universidade, con arreglo á seguinte ponderación da nota final:
1. O 20% de asistencia e participación activa presencial substituirase polo grao de cumprimento e entrega en prazo das tarefas periodicamente propostas na plataforma de teledocencia.
2. O 30% asignado ao exame de preguntas obxectivas, con preguntas pechadas sobre respostas de elección múltiple e unha soa resposta válida, manterase cunha proba final tipo test -na data e hora inicialmente fixada pola Comisión Académica do Máster- que se realizará a través da plataforma de teledocencia da Universidade.
3. O 50% asignado ao estudo dun caso realizarase, tamén na data prevista, a través da plataforma de teledocencia da Universidade, por medio dunha proba final na que se exporá un suposto para a súa resolución polo alumnado nun tempo limitado.
- Alumnado que non segue o sistema de avaliación continua.-
Para o alumnado que non siga o sistema de avaliación continua, o 20% da cualificación final -ao non poder extrapolarse do grao de cumprimento e entrega en prazo das tarefas periodicamente propostas na plataforma de teledocencia da Universidade- provirá da exposición e defensa do caso práctico resolto na proba final. Dita exposición e defensa será realizada de modo telemático a través da plataforma de teledocencia da Universidade (aula ou despacho virtual). |
