CRITERIOS AVALIACIÓN 1ª EDICIÓN DE ACTAS
1.-Ao comezo de curso, a/o alumna/o deberá manifestar a súa intención de acollerse ao sistema de avaliación continua. A tal fin, os profesores da materia proporcionaranlle un documento que a/o alumna/o deberá cubrir e asinar nun determinado prazo. Este documento será vinculante, de modo que as/os alumnas/os que o asinen NON poderán, con posterioridade e durante ese curso académico, cambiar de sistema de avaliación.
2.- A/o alumna/o que se acolla ao sistema de avaliación continua, subscribindo o citado documento, será avaliado conforme aos criterios que se indicaron máis arriba: proba final escrita de resposta curta (20%), probas de avaliación continua de tipo test (70%), e participación activa e de calidade (10%), nos que se avaliarán todas as competencias da materia.
Pero a/o alumna/o que, obteña unha nota mínima de 5 sobre 10 tras sumar as cualificacións obtidas nas probas de avaliación continua tipo test (70%) e a participación activa e de calidade (10%), non estará obrigada/o a realizar a proba escrita de resposta curta (20%) como requisito necesario para superar a materia.
3.- Para as/os alumnas/os que NON se sometan ao sistema de avaliación continua, a proba final escrita de resposta curta representará o 100% da súa cualificación, e nela avaliaranse todas as competencias da materia.
A proba final de avaliación realizarase na data e na hora especificadas no calendario oficial aprobado pola Xunta de Facultade para ou curso académico 2020-21.
4.- Os resultados da aprendizaxe tanto para o alumnado que se somete a avaliación continua como para o que non o fai serán os mesmos: Coñecer, interpretar e aplicar as normas reguladoras do Dereito tributario da Unión Europea e internacional.
CRITERIOS AVALIACIÓN 2ª EDICIÓN DE ACTAS
1.- As/os alumnas/os que se someteron ao sistema de avaliación continua conservarán, na segunda edición de actas, a nota obtida ao longo do curso (e que derivará das probas de avaliación continua de tipo test -70%- e da súa participación activa e de calidade -10%-). En consecuencia, só terán que realizar unha proba escrita de resposta curta, que representará o 20% da nota final, e que se sumará á cualificación obtida mediante avaliación continua.
2.- Para as/os alumnas/os que NON se someteron ao sistema de avaliación continua, a proba escrita de resposta curta representará o 100% da súa cualificación, e nela avaliaranse todas as competencias da materia.
A proba final de avaliación realizarase na data e na hora especificadas no calendario oficial aprobado pola Xunta de Facultade para ou curso académico 2020-21.
3.- Os resultados da aprendizaxe tanto para o alumnado que se somete a avaliación continua como para o que non o fai serán os mesmos: Coñecer, interpretar e aplicar as normas reguladoras do Dereito tributario da Unión Europea e internacional.
CONVOCATORIA DE FIN DE CARREIRA
O exame de fin de carreira consistirá nunha proba escrita, de resposta curta, que representará o 100% da cualificación das/os alumnas/os que concorran ao devandito exame, e nela avaliaranse todas as competencias da materia.
O mencionado exame realizarase na data e horario especificados no calendario oficial aprobado pola Xunta da Facultade de Dereito para o curso académico 2020-21.
Os resultados da aprendizaxe serán: Coñecer, interpretar e aplicar as normas reguladoras do Dereito tributario da Unión Europea e internacional. |