1. AVALIACIÓN CONTINUA
O 50% da cualificación deriva dunha proba final e o 50% restante deriva da avaliación continua ao longo do cuadrimestre, cos seguintes mecanismos correctores en función do resultado do exame (proba) final:
- de 0,0 a 3,4 puntos no exame final: 50% exame e 50% avaliación continua, pero a valoración desta non poderá ser superior á obtida no exame.

- de 3,5 a 6,9 puntos no exame final: 50% exame e 50% avaliación continua.

- de 7,0 a 10 puntos no exame final: 50% exame e 50% avaliación continua, pero a valoración desta non poderá ser inferior á obtida no exame.

A avaliación continua deriva dunha valoración de conxunto do traballo desenvolvido pola/o estudante ao longo do curso. A presenza física dun estudante en clase non é mérito algún. O mero feito de asistir a clase non é unha actividade que reflicta ningunha actitude nin aptitude do alumno nin favorable nin desfavorable en ter académicos ou intelectuais, nin achega absolutamente ningún dato relevante que sirva para avaliar nin competencias nin habilidades nin o coñecemento e madurez alcanzado respecto dos contidos da materia -que é do que se trata, en definitiva-.

Valorarase positivamente a disposición voluntaria dos alumnos para efectuar lecturas, traballos complementarios tutorizados polo profesor e a sua participación en actividades académicas complementarias.

O profesor poderá exigir a entrega anticipada por escrito dos casos prácticos a desenvolver posteriormente nas clases.

Para poder acceder á avaliación continua será requisito necesario que a/o estudante incorpore a súa fotografía á ficha correspondente na plataforma FAITIC, e, tamén a través da plataforma faitic, é necesario manifestar por escrito a sua voluntade en tal sentido, antes do remate do mes de setembro. 

A cualificación dos alumnos que (por circunstancias persoais, laborais ou académicas) non participen na avaliación continua, derivará nun 100% do exame final.

2. EXAMES
- PRIMEIRA OPCIÓN:  O exame consistirá nun número limitado de cuestións de resposta escrita e curta. Poderanse utilizar textos legais de acordo coas instrucións que facilite o profesor. Quieta prohibido o uso de calquera tipo de dispositivo eléctrico ou electrónico durante o exame.

SEGUNDA OPCIÓN: XULLO Exactamente igual que na primeira opción.

EXAME: FIN DE CARREIRA A avaliación de fin de carreira dependerá nun 100% da nota do exame (que será do mesmo tipo que o estandarizado en 1º opción e xullo)

OUTROS ASPECTOS:
- En todos os exames avaliarase a consecución do obxectivo de aprendizaxe: Alcanzar unha visión e comprensión do conxunto dos mecanismos e institucións da parte especial do Dereito Administrativo, manexar con soltura o sistema de fontes da materia obxecto de estudo e resolver problemas xurídicos relacionados coa materia obxecto de estudo. todas as competencias previstas na guía docente..
- As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Facultade 
-ART. 13.2.d do ESTATUTO DO ESTUDANTE UNIVERSITARIO: O art. 13.2.d do Estatuto do Estudante Universitario (aprobado por R.D. 1791/2010, de 30 de decembro) establece como deber de todos os estudantes: Absterse da utilización ou cooperación en procedementos fraudulentos nas probas de avaliación, nos traballos que se realicen ou en documentos oficiais da universidade. Se o profesor constatase en calquera momento a infracción de tal deber (copiar nun exame; plaxiar todo o parte dun traballo de libros, revistas, páxinas web etc.; presentar como propios traballos total ou parcialmente alleos; etc.), o alumno suspenderá ese curso a materia cun 0, e o profesor porá por escrito e a través de rexistro oficial os feitos en coñecemento do Decanato da Facultade.