Todo o alumnado, asista ou non á aula, ten dereito a ser avaliado (mediante un exame ou no modo que se estableza na guía docente)

O alumnado que asistiu a clase:

• A avaliación será continua a través do seguimento do alumnado, dos seus traballos, proxectos e exposicións, así como da asistencia e participación na aula e nas titorías. Cada alumna e cada alumno confeccionará ademais un traballo individual e subirao á sección particular específica da aula virtual da materia - curso en FAITIC-, o traballo consistirá nunha recompilación persoal de estratexias desenvolvidas na aula con ampliacións, achegas e reflexións propias.
• Os documentos e arquivos dos traballos e tarefas do curso serán dispostos, en tempo e forma segundo os prazos programados, por cada alumna e cada alumno no seu espazo persoal respectivo na aula virtual do curso en FAITIC, en formatos de código aberto ou de visores libres.
• Para poder acollerse á avaliación continua a través de actividades na aula virtual é preciso asistir ás aulas nun 80% do tempo presencial cun aproveitamento axeitado  (No caso de que non se poida
  levar a cabo a modalidade de ensinanza presencial pola evolución da alerta
  sanitaria provocada pola COVID-19, eliminarase este requisito de asistencia
  para levar a cabo esta avaliación e seguirase o indicado no Plan de
  Continxencias).

   

  O alumnado que non asistiu a clase:
  • O alumnado que non asistíu a clase ou que non poida ser avaliado por avaliación continua por faltar máis dun 20% das clases da materia, para obter unha avaliación positiva, deberá realizar un traballo individual sobre o contido da materia ou un exame (proba escrita presencial sobre o contido da materia).

  Avaliación da 2ª convocatoria:

  • Para obter unha avaliación positiva o alumnado que asistiu regularmente a clase, poderá optar por presentar as tarefas e traballos pendentes indicados para a 1ª convocatoria ou pola realización de exame (proba escrita presencial sobre o contido da materia)
  • O alumnado que non asistiu a clase, para obter unha avaliación positiva, deberá realizar un traballo individual sobre os contidos da materia ou un exame (proba escrita presencial sobre o contido da materia)