O obxectivo que se persegue con esta materia é orientar ao futuro profesional a partir do coñecemento, manexo e aplicación das ferramentas CAD integradas ao CAM/CAE, concibidas para o deseño e desenvolvemento do conxunto-produto. Outros obxectivos son:
-Coñecer as ferramentas e tecnoloxías CAD orientadas ao conxunto-produto.
-Comprender como se realiza a xestión do Ciclo de Vida de Produto na estrutura de datos da empresa.
-Coñecer os Sistemas Expertos dispoñibles actualmente para deseño e fabricación integrados.
-Adquirir habilidades no manexo de Sistemas de modelado de sólidos orientado ao grupo e no deseño paramétrico.
-Adquirir criterio para seleccionar as tecnoloxías e ferramentas apropiadas en cada caso para o deseño asistido, a fabricación automatizada, a definición do produto, a súa comunicación e a enxeñaría inversa.
-Adquirir conceptos e destrezas para xeración de planos e documentos a partir de xeometrías tridimensionais.
-Coñecer e aplicar as técnicas creativas axeitadas para cada problema creativo.