Tanto o alumnado presencial como o semipresencial ha de entregar o traballo tutelado na primeira semana de decembro. Entregarase por correo electrónico. Despois desta semana, non se admitirá ningún traballo. Faranse dúas probas de resposta longa. A primeira proba realizarase ao redor da penúltima ou última semana de Outubro e a segunda proba será probablemente na primeira semana de decembro. Os alumnos semipresenciais terán que acudir a estas probas. As datas destas acordaranse co alumnado e estarán suxeitas a unha modificación, supeditada ao ritmo de asimilación da materia por parte do alumnado. En relación cos estudos de caso e análise de situacións, todo o alumnado (presencial e semipresencial) traballarán de forma autónoma. O profesor iralle expondo situacións e casos que serán entregadas ao profesor por correo electrónico na data acordada e non se admitirá ningunha entrega despois desta data. O profesor entregaralles a corrección correspondente. ALUMNADO PRESENCIAL E SEMIPRESENCIAL:
- Na 1ª edición das actas os/as alumnos e alumnas poderán elixir entre a avaliación continua e a avaliación única.
De optar pola avaliación única, terán até a terceira semana do curso para comunicar esta decisión á profesora por correo electrónico. De non efectuarse dita notificación entenderase que se segue a avaliación continua. Tamén se perderá o dereito á avaliación continua si non se entregan as prácticas obrigatorias fixadas pola profesora. Pola súa banda, a avaliación única consistirá nun único exame realizado na data oficial marcada pola Facultade e nun traballo de ao redor de 15 páxinas sobre algún dos aspectos do temario. Para a realización deste traballo deberá porse en contacto co profesorado para delimitar o tema e as demais condicións.
- Na 2ª edición das actas, do mesmo xeito que na avaliación única, o alumnado realizará un único exame na data oficial establecida pola Facultade e nun traballo de ao redor de 15 páxinas sobre algún dos aspectos do temario. Para a realización deste traballo deberá porse en contacto co profesorado para delimitar o tema e as demais condicións.
A ponderación da avaliación única será a seguinte: Exame=60%, Traballo=40%. |