a) Avaliación continua A avaliación do alumno realizarase do seguinte modo: - Exame final (70% da nota final, 7 puntos). Realizarase un único exame ao final do cuadrimestre, que constará dunha parte teórica e unha parte práctica. Para superar o exame será necesario obter unha nota igual ou superior a 3,5 puntos e, como mínimo, o 40% da nota asignada a cada parte. - Probas realizadas en grupo e individualmente nas prácticas de maneira presencial (30% da nota final, 3 puntos). Para superar a materia a través da avaliación continua, é necesario cumprir tres condiciones: - Superar o exame final (3,5 sobre 7 puntos). - Obter un mínimo de 1,2 puntos sobre 3 nas probas realizadas nas prácticas. - Conseguir un mínimo de 5 puntos na materia. No caso de superar o exame, a nota final da materia resulta da suma da nota conseguida no exame e das probas realizados nas prácticas, sempre que esta suma sexa superior a 5 puntos. No caso de non superar o exame, a nota final da materia será a resultante de expresar a nota do exame nunha escala de 10 puntos. A segunda convocatoria rexerase polas mesmas normas. b) Outras convocatorias ou alumnos que non optan pola avaliación continua. A cualificación dos alumnos que non se someten a avaliación continua, ou que queden excluídos do devandito sistema (de forma xustificada), estará integrada unicamente pola nota do exame final teórico-práctico, que será diferente ao que realicen os alumnos de avaliación continua. O valor outorgado sobre a nota final será do 100%. |