Modalidade non presencial (seminarios)
A esta modalidade, poderase acoller o alumnado que con causa debidamente xustificada, non lle sexa posible asistir ao 90% do total de horas asignadas para os seminarios, para o cal deberán ao inicio do cuadrimestre en que se imparta a materia, comunicar a profesora responsable da mesma, mediante solicitude por escrito, do paso a "modalidade non presencial", indicando cal é a causa que debidamente xustificada, impide a súa asistencia aos mesmos.
No caso daquelas/es alumnas/os que por diferentes motivos, e sempre xustificados, aínda asistindo a algún seminario, non cheguen a acadar a asistencia establecida do 90%, pasarán igualmente a esta "modalidade non presencial".
A avaliación da modalidade non presencial
A/o alumna/o, deberá realizar unha proba práctica en aula, en relación aos contidos impartidos durante os seminarios da materia. Dita proba realizarase na aula e data marcada no calendario académico, para a 1ª edición. A puntuación para ser apto neste apartado será de 5 ou máis puntos sobre 10. Esta avaliación suporá o 30% da puntuación total correspondente aos seminarios.
A/o alumna/o deberá realizar un traballo individual/en grupo, en materia de "violencia de xénero", según os criterios que se indicarán oportunamente. Dito traballo será exposto e defendido na aula, nas datas a determinar. Avaliarase individualmente a cada alumna/o participante no grupo de traballo. A puntuación para ser apto neste apartado será de 5 ou máis puntos sobre 10. Esta avaliación suporá o 10% da puntuación total correspondente aos seminarios.
Será preciso superar estas dúas probas de avaliación para poder superar a parte de seminarios, o cal será necesario para superar a materia.
2ª edición
A/o alumna/o deberá, no caso de non ter superada a avaliación continua (modo presencial) ou o proba práctica (modo non presencial), realizar un exame práctico, en relación aos contidos impartidos da materia, a realizar na aula e data marcada no calendario académico, para a 2ª edición. No caso de non ter superado ou realizado o traballo indicado, deberá realizalo seguindo os criterios establecidos para o mesmo. No caso de non ter superada a proba tipo test, a/o alumna/o, deberá novamente realizar un exame tipo test (con os mesmos criterios establecidos para a 1ª edición) na aula e data marcada no calendario académico, para a 2ª edición.
Será preciso ter superadas tanto as partes de seminarios como a proba tipo test, para poder superar a materia.