|
Modalidade NON PRESENCIAL A esta modalidade poderanse acoller aquelas/es alumnas/os, que con causa debidamente xustificada, non lles sexa posible asistir con regularidade (a máis do 90%) dos seminarios, polo que deberán ao comezo do inicio do cuadrimestre, comunicar por escrito á profesora responsable da materia, que non van asistir a ditos seminarios, indicando a causa que llo impide. No caso de alumnas/os, que por diferentes motivos, sempre xustificados e aínda asistindo a algún seminario, non cheguen a alcanzar o 90% da asistencia aos mesmos, pasarán a esta modalidade de non presencial. A avaliación da "modalidade non presencial" é a seguinte: 1º) A realización dunha proba tipo test, con 30 preguntas de resposta múltiple e cunha soa resposta correcta. A fórmula utilizada para obter a puntuación neste apartado será a de (A-E), onde (A) = nº de acertos, e (E) = nº de erros. Dita proba farase o día marcado segundo o calendario académico. A puntuación para ser apto neste apartado, será de 5 ou máis puntos sobre 10, a cal supón o 15% da cualificación total da materia. 2º) Realizar unha proba prática na aula taller, segundo as actividades e procedementos práticos impartidos durante os seminarios en relación aos contidos da materia. Dita proba, farase o día marcado para o exame da materia, segundo o calendario académico e a unha hora previamente acordada. A puntuación para ser apto neste apartado, será de 5 ou máis puntos sobre 10, a cal supón o 10% da cualificación total da materia. 2ª convocatoria. A/o alumna/o examinarase da/s parte/s da materia que non teña superado previamente.
|
