| Seminarios |
Realizaranse actividades prácticas, sesións de laboratorio guiadas, seminarios de resolución de problemas, etc, en grupos, baixo a dirección dun profesor. Poderanse incluír actividades previas e posteriores ás sesións de laboratorio e seminario que axuden a conseguir os obxectivos propostos. Fomentaranse especialmente as actividades encamiñadas ao desenvolvemento de proxectos, supostos prácticos, informes, etc. Así mesmo, poderanse organizar nestas sesións actividades de avaliación. |
| Estudos/actividades previos |
Actividades de recensión bibliográfica, resumos, esquemas e lecturas, normalmente co obxectivo de adquirir unha visión introductoria a conceptos que se desenvolverán en clase. |
| Sesión maxistral |
Empregaranse distintas actividades na aula, dirixidas ao grupo completo ou a pequenos grupos. Principalmente, realizaranse clases expositivas para o desenvolvemento dos contidos fundamentais da materia e, para conseguir a participación activa dos estudantes, levarán a cabo actividades breves individuais ou en grupo que permitan aplicar os conceptos expostos e resolver problemas. Nas actividades propostas potenciarase
a adquisición de coñecementos e a súa aplicación no ámbito profesional e investigador da Informática.
Así mesmo, poderanse organizar nestas sesións actividades de avaliación. |
