A avaliación da/os estudantes matriculadas/os na materia farase atendendo aos criterios explicitados nesta guía.

a) Avaliación asistentes

Esta modalidade implica:

• Asistencia (mínimo un 80%) e participación activa (0,5 puntos).
  
• Conexión e realización das tarefas requiridas no Programa TEMA. http://faitic.uvigo.é/ (1.5 puntos).
  
• Realización e exposición das tarefas propias dos grupos prácticos (1.5 puntos).
  
• Realización dun exame escrito. Modelo A (6,5 puntos).

A/os alumna/os que entreguen os traballos e tarefas fóra dos prazos acordados non se lles computará esa parte da cualificación en cada caso. O cumprimento e superación desta modalidade exime ao estudante de responder ás preguntas relativas á parte non asistencial no exame final do curso. Antes da convocatoria oficial do exame publicarase unha lista, só coas cualificacións obtidas por quen libere o apartado práctico desta modalidade asistencial. Esta puntuación será sumada posteriormente á obtida no exame da primeira convocatoria e, no seu caso, a segunda convocatoria (*).

b) Avaliación non asistentes

Esta modalidade implica:

• Conexión e realización das tarefas requiridas no Programa TEMA http://faitic.uvigo.é/. Estableceranse prazos de entrega (1.5 puntos). (*)
  
• Realización dun exame escrito. Modelo B (7 puntos).
  
• Lectura dun libro e resposta dunha pregunta sobre o mesmo no exame (1,5 puntos).

* As actividades ou probas non superadas ó longo do cuadrimestre poderán ser recuperadas na convocatoria de xullo.

* Ao alumnado que supere en primeira convocatoria a parte práctica (convocatoria de Maio) reservaráselle a nota desta parte para a segunda convocatoria (Xullo). Só se gardarán as notas da parte práctica. Non da parte teórica. Non se gardarán notas dun curso a outro.

As actividades/competencias/probas non superadas durante o cuadrimestre poderán ser recuperadas na convocatoria de xullo, manténdose as puntuacións previamente conseguidas.