Seguindo as directrices propias da titulación ofrecerase aos alumnos que cursen esta materia dous sistemas de avaliación: avaliación continua e avaliación ao final do cuatrimestre. Trala primeira sesión de resolución de problemas e/ou exercicios (a segunda semana de clase) o alumno debe decidir si opta por avaliación continua ou non. Avaliación continua: A avaliación continua comprende unha serie de tarefas que se realizan ao longo do cuatrimestre (65%) e unha proba de resposta longa (35%) que se realiza o día que corresponda de acordo co calendario de exames oficial. Estas tarefas comprenden a resolución de problemas e/ou exercicios (15%), as prácticas en aula de informática e de laboratorio, a realización dunha proba de resposta curta (20%), e a realización dun proxecto (30%). Haberá tres sesións de resolución de problemas e/ou exercicios (a segunda, quinta e sétima semana do curso). A proba de resposta curta sobre as prácticas en aula de informática e de laboratorio efectuarase a novena semana do curso. O proxecto deberá presentarse na treceava semana do curso. Estas tarefas non son recuperables, é dicir, si un alumno non pode cumprilas no prazo estipulado o profesor non ten a obrigación de repetilas e únicamente serán válidas para o curso académico no que se realicen. Así mesmo, aqueles alumnos que decidan optar por avaliación continua deberán, para poder superar a materia: (a) realizar polo menos 3 das 4 prácticas de laboratorio hardware; (b) obter, polo menos, 12 puntos sobre 30 no proxecto; (c) obter, polo menos, 12 puntos sobre 35 na proba de resposta longa; e (d) obter un mínimo de 50 puntos en total contando todas as actividades do curso. A nota final daqueles alumnos que non superan estes mínimos esixidos para poder aprobar a materia mediante avaliación continua calcularase como o mínimo entre: (i) o número total de puntos obtido polo alumno contando todas as actividades do curso, e (ii) 40 puntos. A elección de avaliación continua implica necesariamente que o alumno presentouse, con independencia de que asista ou non á proba de resposta longa. Avaliación ao final do cuatrimestre: Ademais do sistema de avaliación continua descrito anteriormente, o alumno pode optar por realizar un único exame final sobre a totalidade dos contidos da materia (100%). O profesor poderalle esixir ao alumno a entrega de tarefas adicionais, as cales seranlle notificadas na sétima semana do curso e deberán ser entregadas o día do exame final. Para poder aprobar a materia o alumno deberá obter, polo menos, 50 puntos sobre 100 contando o exame final e as tarefas adicionais. Avaliación no mes de Xullo: Aqueles estudantes que optaron por un sistema de avaliación continua e cumpren os requisitos (a) e (b) mencionados arriba poderán, si así o desexan, conservar a nota obtida nas tarefas de avaliación continua (65%) e realizar unha proba de resposta longa (35%). Para poder superar a materia, estes alumnos deberán obter, polo menos, 12 puntos sobre 35 na proba de resposta longa, e obter un mínimo de 50 puntos en total contando todas as actividades do curso. Alternativamente, estes alumnos poderán tamén optar por realizar un único exame final sobre a totalidade dos contidos da materia (100%). En caso de querer ser avaliado mediante un exame final, estes alumnos deberán comunicar esta decisión ao profesor cunha antelación mínima dun mes respecto a data programada para a realización do exame final. En caso contrario, considerarase que o alumno opta por unha proba de resposta longa. O resto de alumnos (isto é, aqueles que optaron por un sistema de avaliación continua e non cumpren os requisitos (a) e (b), e aqueles estudantes que optaron por realizar un único exame final) serán avaliados mediante un único exame final sobre a totalidade dos contidos da materia (100%). No caso de realizar un único exame final, o profesor poderalle esixir así mesmo ao alumno a entrega de tarefas adicionais, as cales seranlle notificadas con, polo menos, un mes de antelación respecto a data de celebración do exame final e deberán ser entregadas o día de celebración do mesmo. Para poder aprobar a materia o alumno deberá obter, polo menos, 50 puntos sobre 100 contando o exame final e as tarefas adicionais. |