Sesión maxistral |
Consistirá no estudo teórico dos conceptos clave, cuxo coñecemento e comprensión se fan imprescindibles para a consecución dos obxectivos que nos marcamos nesta materia. Dividimos a materia en 6 grandes bloques: No primeiro bloque abordaremos os principios físicos do son e as particularidades da escoita humana. No segundo bloque ocuparémonos do estudo da voz como órgano xerador de son e como instrumento transmisor dunha mensaxe. Tamén estudaremos os procedementos para realizar, procesar e rexistrar correctamente unha locución. No terceiro bloque estudaremos as claves narrativas e expresivas dos efectos sonoros, ademais do correcto xeito de rexistralos, procesalos e situalos nunha banda sonora. O cuarto bloque pretende abordar o estudo dos elementos que conforman un estilo musical e, deste xeito, a través da evolución daqueles ao longo do tempo, poder asociar unha obra musical a unha época e a un estilo. O quinto bloque é continuación do anterior e pretende esclarecer a achega narrativa e expresiva que a música fai á banda sonora. Estudaremos, neste bloque, a relación da música cos demais elementos dunha banda sonora e expoñeremos os rudimentos dunha gravación musical en estudo. O sexto bloque pódese considerar transversal xa que se irá desenvolvendo ao longo de todo o curso. Nel estudaremos os aspectos funcionais dos equipos necesarios para a recollida, rexistro e procesado de audio. |
Obradoiros |
En obradoiro pretendemos que os alumnos poñan en práctica os conceptos expostos polo profesor no referente aos aspectos instrumentais da materia. Isto levarase a cabo mediante o procesado do audio recollido previamente, e de forma autónoma, polos alumnos. Tamén se realizará a locución ante un micrófono e o rexistro sonoro desta.
|
Estudo de casos/análises de situacións |
Realizásese a análise de determinados fragmentos, representativos, de varias bandas sonoras. Mediante este estudo poñeremos de manifesto os aspectos expresivos narrativos e formais de cada un dos elementos que as conforman
|