| Proxectos |
Para poder aprobar a materia un alumno deberá entregar, dentro do prazo fixado, polo menos o 90% dos proxectos propostos ao longo do curso. Os devanditos proxectos faranse no laboratorio de Electrónica. O enunciado dos mesmos publicarase oportunamente na plataforma TEMA, a través do seguinte enlace: http://faitic.uvigo.es/.
Os profesores valorarán a solución proposta a cada proxecto, podendo obterse ata 4 puntos na nota final pola realización dos mesmos.
Só se valorarán os proxectos realizados dentro do prazo de tempo fixado para cada proxecto. Os alumnos que non fagan correctamente polo menos o 90% dos proxectos propostos non obterán puntos pola realización dos mesmos. Queda a xuízo dos profesores da materia a valoración dos proxectos que presenten un funcionamento incorrecto ou que non cumpran as especificacións.
Os profesores poderán pedirlle a un alumno que explique a solución proposta a un proxecto. Se a xuízo dos profesores a resposta non é correcta (aceptable), o proxecto non se dará por realizado. |
40 |
| Traballos tutelados |
Para poder aprobar a materia un alumno deberá entregar, dentro do prazo fixado, todos os traballos propostos ao longo do curso. Os devanditos traballos faranse durante as horas destinadas a actividades non presenciais. O enunciado dos traballos publicarase oportunamente na plataforma TEMA, a traves do seguinte enlace: http://faitic.uvigo.es/
Poderanse obter ata 2 puntos na nota final pola realización destes traballos. Só se valorarán os traballos entregados dentro do prazo de tempo indicado no correspondente enunciado. Os alumnos que non entreguen todos os traballos propostos non obterán puntos pola realización dos mesmos.
Os profesores da materia poderán pedirlle a un alumno que explique (expoña) o traballo que entregou. Se a xuízo dos profesores a resposta non é minimamente aceptable, o traballo non se considerará entregado (realizado) polo alumno en cuestión (no caso de traballos individuais), ou por todos os membros do grupo ao que pertenza o alumno (no caso de traballos realizados en grupo). |
20 |
|
Para aprobar a materia na primeira convocatoria, ademais de cumprir as condicións indicadas nos parágrafos anteriores, hai que obter unha nota igual ou superior a 5 puntos ao sumar as notas obtidas pola realización das prácticas, a proba individual e as tarefas.
No caso de que un alumno non aprobe a materia na primeira convocatoria, dispón dunha segunda convocatoria no presente curso. Na devandita convocatoria realizarase unha única proba na que se formularán diversas cuestións e problemas que abranguen a materia vista ao longo do curso nas clases de teoría, os proxectos e os traballos feitos. Dependendo do caso, a proba poderá constar tanto dunha parte escrita coma dunha parte práctica, na que haberá que utilizar un PC así como o hardware e o software empregado na realización dos proxectos ao longo do curso. Para aprobar a materia nesta 2ª convocatoria é necesario obter unha puntuación igual ou superior a 5 puntos na devandita proba. A avaliación para os alumnos non asistentes consistirá na realización dunha proba individual que constará tanto dunha parte teórica como dunha parte práctica. Na parte teórica formularanse diversas cuestións e problemas similares aos formulados aos alumnos asistentes ao longo do curso. A parte práctica realizarase no laboratorio de Electrónica. Para aprobar a materia é necesario obter unha puntuación igual ou superior a 5 puntos na devandita proba. Nota: Os alumnos non asistentes deben ter presente que tanto o hardware como o software que terán que utilizar na devandita proba é propiedade da Universidade de Vigo e que non se pode sacar fóra do laboratorio de Electrónica. Queda baixo a responsabilidade dos alumnos non asistentes aprender a manexar o devandito material con antelación ao día da proba.
|
