Será necesario aprobar tanto a parte práctica (caso práctico) como a teórica (probas tipo test) para aprobar a materia. Se algunha das partes está suspensa o alumno poderá optar por presentarse a un exame escrito, so desa parte, ao remate do curso (semanas destinadas á avaliación), similar ao que se indica para os NON ASISTENTES.

A avaliación anterior aplicarase aos alumnos asistentes ao menso ao 75% das clases (presenciais).

Para o caso de alumnos NON ASISTENTES, a materia avaliarase cun único exame escrito a realizar durante o período de avaliación (dúas últimas semanas do curso), e que representará o 70% da cualificación da materia. O 30% consistirá nun traballo escrito. Os alumnos NON ASISTENTES deberán reunirse co profesor responsable para axustar as entregas periódicas e formación de grupos. A entrega do traballo será requisito indispensable para presentarse ao exame escrito. Será necesario obter unha cualificación igual ou superior a 5, tanto no exame escrito coma no traballo para superar a materia.

Proceso de avaliación para alumnos de XULLO: serán avaliados cun único exame presencial; para superar a materia é IMPRESCINDIBLE sacar unha puntuación igual ou superior a 5 sobre 10.