Descrición xeral |
1. Búscase que os alumnos teñan coñecementos instrumentais da historia do libro en todas as súas formas, para
que sexan quen de traballar en calquera campo de investigación en Humanidades; prestarase especial atención ós
coñecementos de tipo práctico que os faculten para comprender axeitadamente os problemas de reconstrución e interpretación de restos.
2. O obxectivo fundamental é o coñecemento da revolución cultural, social e incluso económica que supuxo a invención da imprenta e o impacto histórico dos libros e dos outros produtos impresos. Isto farase dun xeito evolutivo e comparativo. O que se pretende é que os alumnos acaden un dominio sobre os antecedentes do mundo da edición e produción do libro que lles permita contextualizar e comprender a situación actual á luz da experiencia histórica. |