Guia docente 2011_12 Facultade de Filoloxía e Tradución

Avaliación

	Descrición	Cualificación
Presentacións/exposicións	Avaliarase unha exposición oral individual de aprox. 20 min., seguida de debate, así como o material de apoio elaborado pola/o estudante.	10
Obradoiros	Avaliarase a participación activa e as contribucións individuais nas diferentes actividades de divulgación e/ou didactización das literaturas e/ou culturas lusófonas (a concretar, p.e.: colaboración en blogs, realización de exposicións, recensións, etc.).	10
Traballos tutelados	Avaliarase un traballo escrito de aprox. 15 páxinas con introdución, parte principal, conclusión e bibliografía, seguindo as normas de estilo e referenciación bibliográfica indicadas polo profesor.	20
Debates	Avaliaranse as contribucións aos debates programados.	10
Estudo de casos/análises de situacións	Avaliaranse as contribucións ás análises específicas de textos literarios e/ou outros aspectos culturais da lusofonía.	10
Probas de resposta longa, de desenvolvemento	Todos os contidos vistos na aula son susceptíbeis de seren avaliados a través de 2 exames parciais a realizar despois da primeira metade e ao final do semestre. Cada un destes exames conta un 20% da nota final.	40

Outros comentarios sobre a Avaliación
As/Os estudantes deberán escoller a principio de curso ou un sistema de avaliación continua (cf. supra) ou un sistema de avaliación única. Recoméndase optar polo primeiro. No caso da avaliación única hai que aprobar todos os procedementos avaliadores para poder calcular a media final. A copia ou o plaxio penalizarase cun suspenso (nota numérica: 0) na proba correspondente. É obrigatorio consultar regularmente os espazos virtuais da materia na plataforma TEMA e no BLOG asociado. A condición para ser avaliada/o de forma continua será a asistencia a un 80% das aulas, a non ser que haxa motivos xustificados para unha asistencia lixeiramente inferior. Quen opte de forma directa pola avaliación única será avaliada/o ao final do primeiro período das actas (convocatoria de xaneiro) da seguinte forma: 1. cun exame escrito que abranguerá todos os contidos fundamentais da materia; 2. cun traballo tutelado dun mínimo de 20 páxinas sobre un tema previamente acordado co profesor e seguindo as normas de redacción e referenciación indicadas por este; 3. cun exame oral individual, no cal as/os estudantes deberán debater co profesor temas previamente acordados. Cada unha destas 3 partes da avaliación única contará un terzo da nota final. A copia ou o plaxio penalizarase cun suspenso (nota numérica: 0) na proba correspondente. Os mesmos criterios de avaliación aplicaranse no segundo período das actas. As datas dos diferentes exames acordaranse co profesor coa antelación necesaria. En todo caso, recoméndase a asistencia ás aulas e ás titorías e consultar regularmente os espazos virtuais da materia na plataforma TEMA e no BLOG asociado, mesmo que non se siga o sistema de avaliación continua.