Guia docente 2011_12 Facultad de CC. Sociales y de la Comunicación

Grao en Publicidade e Relacións Públicas

Teoría e práctica das relacións públicas

Avaliación

	Descrición	Cualificación
Traballos e proxectos	Os alumnos deberán entregar por escrito e dentro do prazo que se estableza un proxecto grupal sobre un tema que se determinará durante as sesións docentes. Dedicaranse diversas sesións prácticas á presentación, seguemento e exposición oral deste proxecto.	30
Probas de tipo test	Trátase dunha proba para avaliación das competencias adquiridas, que inclúe preguntas pechadas con diferentes alternativas de resposta (verdadeiro/falso, elección múltiple, emparellar elementos...). Os alumnos seleccionan unha resposta entre un número limitado de posibilidades. Valorarase o nivel de comprensión dos conceptos esenciais das materia e o grao de profundidade dos coñecementos do alumno.	40%
Probas de resposta longa, de desenvolvemento	Trátase dunha proba que constará dunha única pregunta de reflexión, na que o alumno deberá dar conta dos seus coñecementos sobre unha lectura obrigatoria da materia. Esta proba desenvolverase conxuntamente coa proba tipo test na data fixada oficialmente para a realización do exame.	5
Observación sistemática	Co obxecto de incentivar o traballo regular e continuo do alumno no desenvolvemento da materia, valorarase, mediante unha observación cuantificada, a asistencia e participación activa nas sesións prácticas e seminarios (que inclúen obradoiros, resolución de exercicios, estudos de caso, presentación, seguemento e exposición de proxectos…). A puntuación total deste epígrafe (2,5 puntos) dividirase entre o número de sesións efectivas que se desenvolvan. Criterios para a adquisición de puntuación neste epígrafe: - O alumno obterá a puntuación máxima para cada sesión cando asista a ésta de forma completa e con aproveitamento. - Cando o alumno asista a unha sesión de forma incompleta (por chegar tarde ou abandonala antes de tempo) ou, a criterio do docente, non a aproveite suficientemente, obterá só unha parte da puntuación correspondente a dita sesión. - Cando un alumno non asista a unha ou varias destas sesións por causa xustificada e comprobable, terá opción de recuperar a puntuación correspondente mediante a presentación dun exercicio compensatorio. Cada un destes exercicios proporase na plataforma FAITIC unha vez que a sesión finalice en tódolos grupos e darase unha semana de prazo para a súa resolución e entrega a través do procedemento indicado polo docente (xeralmente a través da propia plataforma FAITIC). Non se admitirá ningún exercicio compensatorio entregado fóra de prazo. A xustificación das ausencias deberá vir determinada por un certificado laboral, un parte médico ou outro documento acreditativo pertinente cuxa admisión dependerá do docente. Tales documentos terán que ser entregados ao docente previamente á falta, no caso que sexa posible, ou na clase inmediatamente posterior. Non se admitirán xustificantes entregados despois dunha semana da falta (salvo casos de períodos non lectivos) ou unha semana despois da incorporación do alumno no caso dunha baixa médica. Aconséllase a tódolos alumnos que non vaian poder asistir a un elevado número de sesións que contacten co docente para expoñer o seu caso nos primeiros días do curso. - Cando un alumno teña faltas de asistencia non xustificadas, terá a opción de recuperar a primeira delas mediante o exercicio compensatorio correspondente. No resto dos casos, perderá a puntuación da sesión. - Cando un alumno entregue en prazo un exercicio compensatorio recuperará na súa totalidade ou só en parte a puntuación correspondente á sesión perdida, en función da calidade do exercicio entregado.	25

Outros comentarios sobre a Avaliación
REQUISITOS PARA SUPERAR A MATERIA: Para aprobar a materia o alumno deberá cumprir os dous requisitos que se mencionan a continuación: - Otber un mínimo de 1,5 puntos sobre 4 na proba tipo test. - Obter unha puntuación mínima total de 5 puntos. Non poderá superar a materia ningún alumno que incumpla algún dos dous requisitos mencionados. No caso de alumnos que non obteñan o mínimo esixido na proba tipo test, a materia estará suspensa aínda que a puntuación total sexa maior a 5. Nese caso, a puntuación que aparecerá na acta da primeira edición (primera oportunidade) da materia será a suma da puntuación das dúas probas (tipo test e desenvolvemento) prorrateada sobre 10 e ignorarase, a efectos de cualificación na acta, o resultado do proxeto grupal e da observación cuantificada. Ex. O alumno obtén unha puntuación de 1.3 na proba tipo test (inferior ó mínimo esixido) e 0.5 na proba de desenvolvemento. A nota conxunta das dúas probas é de 1.8 sobre 4.5, o cal, prorrateado sobre 10 da unha puntuación final de 4 (1.8x10/4,5 = 4). Ésa será a nota que aparecerá na acta. As dúas probas (tipo test e desenvolvemento) desenvolveranse de forma conxunta e enténdense a efectos de convocatoria como un único exame que se celebrará na data sinalada polo centro. No caso de que o alumno non se presente ao citado exame, independentemente da nota que obteña nos outros apartados, a cualificación que aparecerá na acta da primeira edición será non presentado. RECUPERACIÓN DA MATERIA (2ª EDICIÓN) Os alumnos que non se presenten ao exame da primeira edición ou non superen a materia, terán a opción de facelo na edición de recuperación (xullo), tendo en conta as seguintes cuestións: - Os alumnos que se presentaron ao exame na primeira edición e obtiveron unha puntuación mínima de 1.5 puntos sobre 4 na proba tipo test poderán conservar a nota total do exame (test + desenvolvemento) se o desexan. Os alumnos que non obtiveron esa puntuación mínima, os que non se presentaron ao exame e os que, aínda acadando o mínimo esixido, desexen ter a opción de incrementar a nota neste apartado por teren a materia suspensa, terán que facer o exame de recuperación que se realizará no mes de xullo, novamente cunha proba tipo test e unha proba de desenvolvemento valoradas coas mesmas porcentaxes que na primeira edición. No caso de o alumno se presente ao exame nas dúas edicións, a cualificación que se terá en conta será a segunda, independentemente de que sexa menor ou maior que a obtida na primeira edición. - O alumno tamén poderá conservar, se o desexa, a nota do traballo grupal. Os alumnos que non presentaron o proxecto grupal, así como os que desexen ter a opción de incrementar a nota neste apartado por teren a materia suspensa, poderán presentar outro traballo alternativo de semellantes características e similar valor. A temática deste traballo, que neste caso se desenvolverá só de xeito individual, será proposta polo docente no momento de facer públicas as cualificacións da primeira edición. O traballo deberá ser entregado, como moi tarde, o día da celebración da proba de recuperación. No caso de o alumno presente traballos nas dúas edicións, a cualificación que se terá en conta será a segunda, independentemente de que sexa menor ou maior que a obtida na primeira. - En canto á cualificación obtida no apartado de observación cuantitativa, esta puntuación entenderase como un único bloque. O alumno poderá, se o desexa, conservar a nota obtida neste bloque. Os alumnos que desexen ter a opción de incrementar a nota neste apartado por teren a materia suspensa, poderán realizar unha serie de actividades alternativas propostas polo docente no momento de facer públicas as cualificacións da primeira edición e que deberán ser entregadas o día da celebración da proba de recuperación. No caso de o alumno obteña puntuación neste bloque nas dúas edicións, a cualificación que se terá en conta será a segunda, independentemente de que sexa menor ou maior que a obtida na primeira. Se o alumno non supera a materia na segunda edición deberá cursala novamente, adaptándose á guía docente que estea vixente no curso en cuestión, e, polo tanto, non conservará ningunha das cualificacións obtidas no presente curso.