A Intelixencia de Negocio busca ofrecer a información axeitada, no momento preciso e ás persoas indicadas, para que as decisións que se tomen sexan correctas. É unha disciplina que integra eficazmente
estratexia de negocio, tecnoloxías e procesos para transformar datos dispersos en coñecemento e poder así automatizar certas accións (por exemplo campañas comerciais para aumentar os ingresos da
compañía). Para a maioría dos analistas especializados en sistemas de información, os sistemas de intelixencia de negocio son unha área prioritaria da empresa e debe converterse no destino principal de
importantes investimentos e desenvolvemento a medio prazo.
O obxectivo principal da materia é facilitar instrumentos analíticos que axuden a resolver os principais problemas de negocio que xurden actualmente, tales como a fidelización de clientes, a medición da rentabilidade corporativa, a análise de riscos e a análise da fraudes, entre outros.