AVALIACIÓN DOS PROCESOS E RESULTADOS DE APRENDIZAXE. CRITERIOS DE AVALIACIÓN
En coherencia coa proposta metodolóxica presentada defendemos unha proposta holística de avaliación. Por unha banda, unha avaliación inicial ou diagnóstica ó inicio de cada unidade temática, mediante a formulación de cuestións abertas relativas ao tema específico que se vai abordar, coa finalidade de sondear os coñecementos previos que os estudiantes teñen. En segundo lugar, apostaremos por unha avaliación de proceso, que nos permita facer un seguimento da aprendizaxe dos estudiantes, dos progresos do grupo e, na medida que sexa posible (polo número de alumnos/as), de cada individuo. Para facer posible esta avaliación faremos uso da observación sistemática, das titorías e da análise de tarefas. E, por último, a avaliación final na que se terán en conta diferentes aspectos, valorados segundo o grado de asistencia e seguimento por parte dos estudiantes, polo que nesta materia contémplanse diferentes opcións para estudiantes asistentes e non asistentes.
1.- Criterios específicos de avaliación para ASISTENTES.
Considéranse alumnas/os asistentes os que asistan a un mínimo do 80% das sesións maxistrales e do 80% dos seminarios. As actividades puntuadas son ás seguintes:
1. Probas tipo test (ata 6 puntos).
2. Traballos tutelados (ata 2 puntos). Estableceranse prazos de entrega consesuados entre o profesor e o alumno/a.
3. Seminarios (1 punto).Serán sesións prácticas no laboratorio ou na aula. Veranse diferentes materiais (fontes documentais, recursos informáticos, etc.) relacionados coas temáticas da materia. Controlarase a asistencia.
4. Presentacións/expocsicións (ata 1 punto). Valorarase a presentación dos traballos e as exposicións dos exercicios/actividades solicitadas aos alumnos. Dependendo do carácter do mesmo, a avaliación será individual ou en grupo.
Independentemente das puntuacións outorgadas a cada unha das actividades, valorarase a asistencia, participación e actitude (ata 1 punto). A avaliación da docencia de aula levarase a cabo co seguimento das actividades propostas; a avaliación da docencia de prácticas, mediante control da participación, ademais de calquera outro requisito esixido para o seu desenvolvemento.
É obrigatorio realizar todas ás actividades. Para obter unha avaliación positiva e, en consecuencia, superar a materia será preceptivo alcanzar a nota mínima de 3 puntos nas probas tipo test, 1 punto nos traballos tutelados, 0,75 nos seminarios e 0,25 nas presentación/exposicións. O non obter estas puntuacións supón non ter alcanzado os obxectivos mínimos da materia na súa totalidade.
2.- Criterios específicos de avaliación para NON ASISTENTES.
Deben falar co profesor nas dúas primeiras semanas de clases. As actividades puntuadas son ás seguintes:
1. Proba global tipo test (ata 7 puntos). A proba será similar ás dos asistentes, e o material será o mesmo.
2. Traballo tutelado (ata 3 puntos). Terá que ser presentado por escrito e oralmente ao profesor. Estableceranse prazos de entrega consesuados entre o profesor e o alumno/a.
É obrigatorio realizar todas ás actividades. Para obter unha avaliación positiva e, en consecuencia, para superar a materia será preceptivo alcanzar a nota mínima de 3,5 puntos na proba tipo test e 1,5 no traballo tutelado. O non obter estas puntuacións supón non ter alcanzado os obxectivos mínimos da materia na súa totalidade.
3.- Segunda convocatoria.
As competencias non superadas derivadas da totalidade ou de parte das probas/actividades obxecto de avaliación, poderán ser recuperadas na convocatoria de Xullo.
NOTA IMPORTANTE: A ficha terase que entregar nas dúas primeiras semanas de clases, deixando constancia do tipo de asistencia elixida e grupo. |