Guia docente 2011_12 Facultad de Ciencias de la Educación

Avaliación

	Descrición	Cualificación
Traballos tutelados	Inclúese neste epígrafe a parte práctica da materia que suporá un 50% da cualificación final. Valorarase cada un dos traballos solicitados e presentados polo/a estudante de xeito individual e/ou en grupo. Será necesario ter realizado e aprobado cada un dos traballos propostos. Cómpre ter aprobada esta parte para facer media coa nota obtida na proba tipo test. <br>Consideraranse dentro desta parte todos os traballos prácticos, exercicios, presentacións/exposicións e prácticas de aula realizadas. <br>Solicitarase un dossier individual no que se inclúan todas as prácticas, exercicios e traballos realizados. Os traballos grupais deberán entregarse nos correspondentes informes. Considerarase parte do seguemento avaliable da parte práctica da materia a realización de probas aleatorias (resposta por escrito a preguntas; pequenos test...) tendentes a comprobar na aula a realización dos traballos e encargos solicitados. A nota da parte práctica da materia só fará media coa nota da parte teórica (exame) se é igual ou superior a 2,5.	50
Probas de tipo test	O /A alumno/alumna examinarase da parte teórica da materia desenvolta nas sesións maxistrais e nos seminarios. A nota obtida no exame da parte teórica será o 50% da nota total e só fará media coa nota da parte práctica se é igual ou superior a 2,5. Para o alumnado asistente, o exame constará de 40 preguntas con catro alternativas de resposta, das cales só unha é verdadeira. Cada dúas respostas incorrectas invalidarase unha resposta correcta. O corte do aprobado sitúase en 20.	50

Outros comentarios sobre a Avaliación
Modalidade de avaliación para estudantes presenciais con asistencia regular. A planificación do proceso ensinanza-aprendizaxe esixe a presenza dos/as estudantes nas actividades prácticas que se desenvolverán durante o curso, en especial naquelas relacionadas coa adquisición de competencias relativas ao saber facer e ao saber ser (procedementais e actitudinais). Subliñar que non chega con «asistir» á clase, nin que o que se avalía é a asistencia do alumnado, senón que o avaliable son os resultados do proceso ensinanza-aprendizaxe reflectidos nos exercicios e actividades ben realizados e a participación activa e pertinente nas clases prácticas. Polo tanto esixiráselle ao estudantado a súa presenza nas actividades ao longo do curso(verificable con listas de asistencia) non podendo faltar a máis de 5 clases prácticas durante o cuadrimestre (dun total de 23 clases prácticas distribuídas 16 en grupo mediano e 7 de pequeno grupo) e, así mesmo,esixiráselle a asistencia ás clases maxistrais non podendo faltar máis do 20 por cento do total (dun total de 20 horas poderá faltar a 4). O profesorado non lle pedirá ao alumnado explicación ningunha de por que non acode á clase. Se o/a estudante deixa de asistir, sexa cal sexa a circunstancia, terá que optar pola segunda modalidade de avaliación. Modalidade de avaliación para estudantes non asistentes con regularidade. O alumnado que opte por non asistir ás clases,non poida, ou pretendendo ser estudantes asistentes teñan máis faltas das permitidas, terán que demostrar o coñecemento dos aspectos procedementais e actitudinais da materia no exame final (convocatoria oficial). Nesta modalidade, a avaliación soamente se realizará a través do exame da convocatoria oficial e suporá o 100 % da nota. A parte teórica da materia pódese estudar por completo a través da bibliografía básica recomendada. En canto á parte práctica esixiráselle ao alumnado que saiba responder os contidos conceptuais, actitudinais e procedementais desenvoltos ao longo do curso e que pode adquirir a través de textos existentes na biblioteca e dos apuntamentos da clase. Convocatorias seguintes. O alumnado da modalidade asistencial poderá recuperar as competencias non superadas derivadas da totalidade ou de parte das probas/actividades obxecto de avaliación na convocatoria de xullo. Os/As estudantes da modalidade non asistencial terán que repetir novamente o exame. A 1ª convocatoria, no caso de non superar a materia, non consta no expediente académico. A cualificación faise efectiva en xullo.Non se gardarán notas de ningunha parte da materia para o seguinte curso académico.