Nas probas terase en conta a corrección na presentación e exposición escrita (presentación, expresión sintáctica e gramatical), o sentido crítico, esforzo de síntese e a capacidade de relacionar datos. Para poder facer media é necesario obter no exame polo menos 3 puntos (sobre 5) e no traballo de exposición 1,5 puntos (sobre 2,5). Ademais precísase ter participado nos outros apartados a cualificar. Alumnado non presencial -Realización de dous traballos tutelados relacionados coa temática da materia, para o que se debe pór en contacto co profesor ao inicio de curso e comunicarlle tal situación. Puntuación, ata 4 puntos. Para facer media é preciso obter neste apartado polo menos 2 puntos e participar nas dúas actividades propostas. - Realización dun exame sobre o temario: ata 6 puntos. Para facer media é preciso conseguir un mínimo de 3,5 puntos. Na segunda convocatoria, todo o alumnado conservará a parte (teórica ou práctica) xa superada e realizará só aqueles apartados que non tivesen un grao de realización satisfactorio. |