Actividades introdutorias |
Actividade que se presenta ao inicio co fin de coñecer as competencias tecnolóxicas, experiencias, intereses e/ou motivacións que posúe o alumnado para acadar as capacidades, destrezas e habilidades recollidas na guía docente. Con ela preténdese obter información relevante que permita articular a docencia para favorecer a aprendizaxe significativa de xeito contextualizado e personalizado, partindo dos coñecementos previos. |
Prácticas de laboratorio |
Esta metodoloxía posibilítalle ao alumnado a aprendizaxe a través da realización de actividades de carácter práctico no laboratorio, indagando no funcionamento técnico e o desenvolvemento de habilidades e capacidades informáticas e de tipo didáctico para abordar o deseño, desenvolvemento de proxectos, análise de experiencias socioeducativas, busca e tratamento da información, etc. |
Presentacións/exposicións |
Intervención do alumnado baseada na exposición verbal, apoiada no emprego de recursos didácticos a través da que tamén tentará interactuar e debater co grupo aula dun modo ordenado: propoñendo cuestións, facendo aclaracións ou realizando actividades de forma dinámica. |
Foros de discusión |
Están desenvolvidos no escenario virtual para a discusión centrada en diferentes tópicos da materia propostos pola profesora, así como debates promovidos polas inquedanzas que expón o alumnado en relación a temáticas obxecto de estudo ou a problemáticas asociadas co campo profesional. |
Estudo de casos/análises de situacións |
O alumnado realizará a descrición, as análises e as reflexións de situacións relativas aos medios tecnolóxicos e dixitais nos que se traballe a partir dunha realidade concreta ou simulada relacionada coa vida profesional, co obxecto de buscar algún tipo de solución de xeito individual ou grupal. |