Prácticas de laboratorio |
Descrición: aprendizaxe práctica, mediante a simulación de casos, do manexo das ferramentas de creación (software de creación interactiva, estereoscópica e simulación 3D) implicadas no deseño de dispositivos audiovisuais de instalación multimedia e interactiva. Modalidade: guiada. Presenza do/a docente e presenza obrigatoria do alumnado. Escenario: laboratorio de audiovisuais. |
Traballos de aula |
Descrición: o alumnado, individualmente ou en grupo (5 alumnos máximo), desenvolve no aula o deseño e a realización, como obra final, dun proxecto de creación audiovisual no que se materializan conclusións investigadoras relacionadas con algunha das temáticas principais ou problemáticas audiovisuais desenvolvidas na materia. Modalidade: guiada, con seguimento do traballo e avaliación (tanto durante o proceso como o resultado final) e vinculado o seu desenvolvemento con actividades autónomas do estudante. |
Traballos tutelados |
Descrición: realizarase, individualmente ou en grupo (5 alumnos máximo), unha memoria do proxecto, xunto cun traballo de documentación, segundo guión previo achegado polos/as docentes implicados/as na materia. Modalidade: autónoma. O alumnado dispón de sesións de titoría para facilitar o seguimento do seu traballo por parte do/a docente. |