O Traballo de Fin de Máster (TFM) consistirá na realización dunha memoria de investigación dirixida e titorizada por un profesor do programa. Será presentado por escrito e defenderase mediante exposición oral ante un tribunal formado por tres profesores do programa, da mesma área de coñecemento á que pertenza a memoria ou, de ser o caso, de áreas afíns. Poderá constituír un ensaio preparatorio para a posible elaboración dunha futura tese doutoral.
Os Tribunais establecidos avaliarán o TFM seguindo o protocolo seguinte: cada membro procederá a calificar sobre 10 puntos nos seguintes epígrafes: metodoloxía; obxectivos; contidos; relevancia, resultados e conclusións; exposición e defensa. A calificación final resultará da media aritmética simple das calificacións proporcionadas polos membros do tribunal. Aqueles traballos que obteñan unha calificación igual ou superior ós 9 puntos poderán ser distinguidos, a xuizo do tribunal, con Matrícula de Honra.
|