Seminarios |
Os/as estudantes terán contacto directo coas distintas metodoloxías aplicadas ao mito e coas fontes do seu coñecemento (escritas e iconográficas) e coas fontes da realidade histórica e espacial da muller da antiga Grecia. As impresións extraídas expoñeranse a través dun debate. |
Traballos tutelados |
A partir dos coñecementos adquiridos nas sesións maxistrais, a lectura da Odisea e a visión do filme, os/as estudantes deberán elaborar un traballo relacionado coa situación da muller que se reflicte na obra homérica e no filme, analizando as razóns das similitudes e das diferenzas. A profesora, mediante titorías personalizadas, fará un seguimento deste. Será exposto na aula un resumo do traballo. |
Sesión maxistral |
A profesora irá expoñendo os temas e subtemas, con apoio da ferramenta informática Power Point, na que se incluirán as ideas principais que se desenvolverán, así como datos sobre as fontes de estudo básicas (literarias e iconográficas) e outras ideas extraídas da historiografía actual. |