A intelixencia atopa posibilidades novas
nas cousas materiais cando integra as súas posibilidades reais en proxectos inventados.
O resultado é unha creación intelectual (saber), sensible (ver) e sentimental
(sentir). O obxectivo é o desenvolvemento das capacidades persoais en
relación aos procesos heurísticos e operativos ligados ao campo da creación e
á investigación artística, de acordo cun adestramento correspondente ás
operacións de mirar
(atopar/buscar), imaxinar
(proxectar/elaborar) e realizar
(producir/socializar). Isto implica tres campos de valores:

 � Coñecementos: englobaría
as capacidades de información, asimilación, argumentación, axilidade mental,
improvisación, elección, decisión, etc.

 � Capacidades
psicomotoras: incorporaría as habilidades perceptivas, destrezas
construtivas, sensibilidade plástica, execución, etc..

 � Actitudes: englobaría
disposición, laboriosidade, participación, iniciativa, curiosidade, etc

A avaliación estará referida á evolución persoal nas
capacidades de asimilación da información, a capacidade de argumentación, a
axilidade mental, a improvisación, elección e decisión; o desenvolvemento da
sensibilidade plástica, das habilidades perceptivas e destrezas construtivas
na execución obxectual, a capacidade no manexo de fontes iconográficas e
documentais, a coherencia entre formulacións e resultados; e as actitudes,
vinculadas á curiosidade, disposición, laboriosidade, á iniciativa persoal, á
participación e a colaboración ao traballo común, á capacidade para
enriquecer a discusión, etc. Isto supón a adecuación a catro criterios de
avaliación: comprensión, fundamentación, falsación e trazabilidade.

           
Esta avaliación será continuada, polo que a asistencia
habitual é necesaria, xa que se desenvolverá de acordo á propia estrutura e
calendario de exercicios propostos, cada un dos cales derivará unha
cualificación acumulativa e cuxa presentación puntual será imprescindible.
Realizarase un exame teórico para verificar o grao de asimilación intelectual
dos contidos, categorías e parámetros manexados no curso.

PROBA DE
AVALIACIÓN CONVOCATORIA EXTRAORDINARIA DE XULLO: 5 DE XULLO ÁS 10.00 HORAS